Ficha biblioteca

Curso de regulación da intelixencia artificial na Administración pública

1. Persoas destinatarias

• * Persoal técnico e administrativo ao servizo das entidades locais da provincia de Ourense que teñan encomendadas tarefas vencelladas coa Administración electrónica.
• * Profesionais das entidades locais de Ourense que, polo seu posto de traballo, estean relacionados coa materia obxecto do curso.

2. Desenvolvemento

• 2.1. Modalidade da acción formativa: telepresencial e en liña.
• 2.2. Duración: 30 horas (15 horas telepresenciais e 15 horas en liña).
• 2.3. Datas de realización: do 28 de abril ao 1 de xuño de 2025.
• 2.4. Días e horario das sesións telepresenciais: os días 28 de abril, 5-7-14-26 de maio de 2025, de 17.00 a 20.00 horas.
• 2.5. Prazas: 30 participantes.
• 2.6. Número de edicións: unha.

3. Obxectivos

• * Afondar, desde unha perspectiva técnica e xurídica, na concepción da intelixencia artificial, incidindo no impacto que a súa implantación terá nas distintas Administracións Públicas.
• * Estudar as posibilidades reais de aplicación práctica de ferramentas baseadas na intelixencia artificial á organización e o funcionamento das organizacións públicas, abordando desde a automatización de procesos ata a xestión intelixente dos servizos.

4. Programa

4.1. Aspectos claves da intelixencia artificial.

4.1.1. Intelixencia artificial. Principios e implicacións.

4.1.1.1. A revolución dixital como sucesión de olas tecnolóxicas.

4.1.1.2. A intelixencia artificial. Conceptos para xestores públicos.

4.1.1.3. As implicacións sociais, económicas e xurídicas da revolución dixital.

4.1.2. Intelixencia artificial: regulación e estratexias.

4.1.2.1. Razóns para regular a intelixencia artificial.

4.1.2.2. Políticas públicas e estratexias con intelixencia artificial.

4.2. Intelixencia artificial. Posibilidades na Administración pública.

4.2.1. Conceptos xerais para entender o impacto da intelixencia artificial sobre a Administración pública.

4.2.2. Pandemia e post pandemia como condicionantes do goberno algorítmico.

4.2.3. Reformas na Administración pública post pandemia.

4.2.4. A tecnoloxía como panca de transformación.

4.2.5. A Intelixencia artificial e o seu impacto no valor público.

4.2.6. A Intelixencia artificial aplicada aos sectores relevantes da política pública.

4.3. A regulación do uso da intelixencia artificial na administración Pública.

4.3.1. Consideracións iniciais sobre a regulación do algoritmo público.

4.3.2. Liñas mestras para fortalecer a regulación ante unha Administración algorítmica.

4.3.3. O Real decreto-lei 6/2023, do 19 de decembro, polo que se aproban as medidas urxentes para a execución do Plan de recuperación, transformación e resiliencia en materia de servizo público de xustiza, función pública, réxime local e mecenado.

4.3.4. A arquitectura institucional necesaria para o goberno algorítmico.

4.3.4.1. Estratexias para potenciar o uso da intelixencia artificial na Administración Pública.

4.3.4.2. Novas estruturas orgánicas relacionadas coa intelixencia artificial.

4.3.4.3. Función pública e algoritmos. O factor humano no goberno algorítmico.

4.3.4.4. A xestión de proxectos para un goberno algorítmico.

5. Prazo de presentación de solicitudes.

O prazo de presentación das solicitudes para participar nesta acción formativa rematará o martes 22 de abril de 2025.